မိခင်လောင်းများအနေနှင့် မိမိရင်သွေးလေးကျန်းမာရေးနှင့် ညီညွတ်မျှတစေနိုင်သော အနေအထိုင် အစားအသောက်များအတိုင်း ပြုမူနေထိုင်သင့်ပါတယ် ။ မနက်စာကို မပျက်မကွက်စားသုံး ပေးသင့်ပါတယ်။ ကိုယ်ဝန်ဆောင်မိခင်များသည် ကိုယ်ဝန်ရှိချိန်မှာ အစားအစားတစ်မျိုးမျိုးကို အရမ်းစားချင်တာမျိုး ဖြစ် တက်ပါတယ် ။
ထိုသို့ ဖြစ်ခြင်းကို ချဉ်ချင်းတက်တယ်လို့ ခေါ်နိုင်ပါတယ် ။ ကိုယ်ဝန်ဆောင်မိခင် လောင်းများအနေနှင့် ချဉ် ခြင်းတပ်သော အစားအစာများသည် တစ်ဦးနှင့်တစ်ဦး မတူညီပေမယ့် အများစုအနေနဲ့ကတော့ အပူအစပ် များ စားချင်စိတ် ပိုဖြစ်တတ်ကြ ပါတယ် ။ ဟော်မုန်းအပြောင်းအလဲကြောင့် ကိုယ်ဝန်ဆောင်နေစဉ်အတွင်းမှာ အစာခြေစနစ်ရဲ့ လုပ်ဆောင်နိုင်စွမ်းဟာ ပုံမှန်ထက် ကျဆင်းနေပါတယ်။ ထို့ကြောင့်အစားအစာကိုကြေလွယ်နိုင်တာလေး တွေကို စားသင့်ပါတယ် ။ ရင်ပူတာတွေမဖြစ်စေဖို့အတွက် အသီးအနှံများ များများစားသင့်ပါတယ်။
တစ်နေ့တာလုံးအတွက် အစားအစာကို နည်းနည်းနှင့်တစ်ကြိမ်တည်းမစားဘဲ နည်းနည်းနဲ့ အကြိမ်ရေ များ များစားပါ။အရက်လုံးဝမသောက်ပါနှင့် ကဖင်းဓါတ်ပါဝင်သော အရာများသောက်သုံးခြင်းကိုလည်း လျှော့ချ သင့်ပါတယ်။အိပ်ချိန်ကို တစ်နေ့လျှင် (၈ ) နာရီသတ်မှတ်ပြီး အိပ်ရေးဝအောင်အိပ်ပေးဖို့လည်းအရေးကြီးပါ တယ်။လေ့ကျင့်ခန်းကို ပုံမှန်ပြုလုပ်ပေးရန်လည်းလိုအပ်ပြီး ပုံမှန်လမ်းလျှောက်ခြင်းကိုလည်း တစ်နေ့လျှင် အနည်းဆုံး(၁၅)မိနစ်ခန့်ပြုလုပ်ပေးသင့်ပါတယ် ။ကိုယ်ဝန်ဆောင်အားဆေးကိုလည်း သောက်သုံးပေးရန်လို အပ်ပါသည်။ ဆရာဝန်ညွှန်ကြားမှုမပါဘဲ ဆေးဝါးများကို (ဥပမာ – ပဋိဇီဝဆေးဝါးများ၊ အကိုက်အခဲပျောက် ဆေးများ ) မသောက်သုံးမိစေရန် လိုအပ်ပါသည် အားဆေးများကိုလည်း မိမိတို့ ပြသလျှက် ။ သံဓာတ်အားဆေး၊ Folic Acid ၊ဗီတာမင် အစရှိသော ရှိသော သားဖွားမီးယပ်ဆရာဝန်ကြီးများနှင့် တိုင်ပင်ပြီး ညွှန်ကြား ပေးသောဆေးဝါးများကို စနစ်တကျသောက်သုံးသင့်ပါသည် ။
